全新木系文青精品酒店 尖沙咀低调高质山林舍

【A&M Diary】尖沙咀有唔少星级品牌酒店，相信大家近期都玩咗唔少Staycation，仲留低唔少脚毛添！今次我哋住嘅Staycation就冷门啲，嚟到位于尖沙咀山林道嘅山林舍。山林舍以深色木系为主题嘅精品酒店，虽然新开张，但住过嘅朋友都大讚酒店私隐度高，价钱平之余，口碑仲相当唔错。

酒店大堂
山林舍位于尖沙咀山林道，大概行5分钟，就可以去到佐敦港铁站或前往弥敦道搭乘往各区嘅巴士路线。由于山林舍位处山林道，落街就有好多餐厅选择，附近仲有人气日式超市，想行街买嘢同补给日用品都够晒方便！

山林舍嘅check-in counter位于4楼，check-in採用自助登记入住系统，只要将身份证或护照放上自助系统就可以办理手续。酒店除咗提供过夜，亦提供时钟住宿服务，大家亦可以直接嚟到山林舍，透过自助系统即时比钱就可以入住。至于匙卡同一般酒店唔同，採用收据纸，纸上印有QR code以乘搭电梯同进入房间。所以check-out嘅时候，可以直接将收据纸撕掉。由于全程唔驶接触前台职员，所以住过嘅人都大讚私隐度够晒高！另外，提提你，酒店并不接受18岁或以下人士入住架！

房间区域
山林舍一共提供82间客房，分为5种房型：标準客房、优越客房、豪华客房、行政套房同顶层套房。酒店以深色木系为主题，无论大堂、走廊定房间都好有格调，感觉非常有质感。由于酒店嘅标準客房都只係HK$350左右一晚，所以M佬今次话住豪啲，入住21楼顶层，最高级嘅顶层套房。

顶层套房嘅楼底非常高，房间面积达330呎，空间感十足。房内配备39寸LED电视，基本电视频道都有齐。但最大卖点就係呢度嘅景观，由于附近嘅大厦唔算太高，所以位处21楼嘅我哋可以饱览尖沙咀及九龙公园嘅景色，加上今日天气唔错，可以睇到山顶凌霄阁、ICC同IFC，甚至远眺西面嘅海景，窗外风景够晒开扬。

双人床属于King size，床褥採用鬆软舒适嘅蓆梦思床垫，软硬度适中，而床单非常柔软，枕头总共有2个，床嘅两边都有床头柜，亦有插头位方便充电。房间嘅窗帘遮光度唔错，朝早亦无被阳光骚扰，整体睡眠质素唔错。唯一美中不足係房内无梳化或凳，只可以坐床或地下。

浴室区域
讲到成间房最值回票价，当然就係浴室内嘅浴缸。我哋特意带咗浴盐嚟浸浴，真係好有日本嘅感觉呀！浴室乾湿分离，除咗浴缸仲有企缸。至于个人用品除咗牙刷、牙膏，仲有自家品牌嘅沐浴露，味道都几香，如果有需要就自行携带啦！另外，房内亦有提供拖鞋同风筒。

除咗今次入住嘅顶层套房，酒店仲有其他房型，同样以深色木系为主题，其实好有无印嘅感觉，住起上嚟非常舒服，一齐睇埋其他房型啦！

<

Tags：全新,木系文,精品,酒店,尖沙咀,低调,高质,山林,Diar

转载：文章来自用户投稿不代表本站观点，如有侵权请联系我们。