〈好游〉迪士尼彼思特展打卡攻略　科学馆彼思动画的科学秘密

【A&M Diary】迪士尼动画一直深受大小朋友嘅喜爱，而近年彼思嘅电影，无论係「灵魂奇遇记」、「玩转极乐园」定「玩转脑朋友」都充满深度，发人深省，唔少动画主角都深受大家喜爱。但如果想更了解彼思动画製作嘅幕后过程，可以嚟到尖沙咀科学馆期间限定嘅专题展览：彼思动画的科学秘密。展览除咗让大家了解科学与动画之间嘅关连之外，场内亦有唔少打卡位，绝对係老少咸宜嘅展览。

提提你
1. 每节嘅参观人数只限300人，大家参观之前，记住提前网上预约
2. 预约系统于每日早上 7 时更新，如果预约星期六日等假期日子，就记住较定闹钟，拣选合适嘅时间

彼思动画
彼思动画製作室（PIXAR）由1995年推出《反斗奇兵》之后，每年都有作品上映，而近期上画嘅就係《盛夏友晴天》。彼思嘅动画无论票房同口碑都唔错，但一个个栩栩如生嘅动画人物，故事场景又係点製成呢？

彼思动画的科学秘密
展览由波士顿科学博物馆与彼思动画製作室共同策划製作，分为八个区域，展出 50 多组互动展品、实物模型同录像节目，让大家可以体验製作流程中每个幕后程序。

展览先由彼思员工简介动画製作嘅 8 大流程：建构模型、建立骨架结构、建构表面、布景与摄影、角色动作製作、模拟、灯光及成像製作。原来喺1995 年製作嘅「反斗奇兵」，除咗係全球首部全电脑动画製作嘅电影之外，喺最挤拥嘅画面更出现咗 21,633 个角色嘅纪录。但原来所有複杂嘅事物，都係由多个简单形状组合而成。

建构模型
当美术师描绘角色之后，就会以草图同泥塑製作一个 3D 模型；然后数码建模师会为角色建构虚拟3D模型，而令角色逼真嘅秘诀，就係无论镜头远或近，都要将角色外表整到平滑。例如「怪兽公司」嘅毛毛，就由500 几个变形器，以数式运算唔同表情及情感。

灯光製作
另外一个令到我哋讚叹嘅就係灯光製作，喺动画入面，除咗角色嘅细节描绘及场景嘅细緻，原来灯光效果同样重要，例如角色嘅倒影、日落嘅颜色转变，同样能够感受到动画製作几认真。係灯光製作嘅展区，就可以了解如何透过电脑将灯光效果呈现。

馆内亦设有多个角色打卡热点，例如《反斗奇兵》、《海底奇兵》、《怪兽公司》等场景，可以同迪士尼及彼思动画製作嘅动画人物尽情打卡啦！

<

Tags：好游,迪士尼,彼思,特展,打卡,攻略,科学,馆彼,思动,画的

转载：文章来自用户投稿不代表本站观点，如有侵权请联系我们。