〈好食〉丰富抵食铁板烧 佐敦乐Teppanyaki

【A&M Diary】铁板餐就食得多，但喺香港食铁板烧就真係好少。因为香港食铁板烧一啲都唔平，但今日我哋就搵到一间丰富又抵食嘅铁板烧，呢间位于佐敦嘅乐Teppanyaki，提供多款入门级别嘅铁板烧套餐，价钱由$880起，份量仲要一啲都唔少，係平歎铁板烧之选。

时令前菜
坐低咗之后，店员就会送上前菜，今日係沙葛，非常爽脆，够晒开胃。

18层海胆杯
呢个海胆杯好似芭菲，但就係由18层日式刺身同小食组成，包括：烧白饭鱼脆片、黑鱼籽、北海道紫海胆、沖绳海葡萄、帆立贝、明太子沙律、牡丹虾、北海道紫海胆、樱花鱿鱼、冻矶煮鲍鱼、北欧花胶、蓝鲸吞拿鱼拖罗蓉、北海道粒贝、三文鱼籽、北海道紫海胆、北海道松叶蟹肉、北海道鲜海胆同鲜海带碎组成，真係每一层都充满惊喜！加上层层都唔同，食嘅时候，唔同嘅味道混和一齐，所以每啖嘅味道都大不同，完全冲击味蕾。

火焰海胆甲罗烧
蟹盖酿咗海胆、海葡萄、黑鱼籽、三文鱼籽、蟹膏同洋葱等等，烧完嘅甲罗烧香气十足！蟹膏同海胆非常软绵鲜甜，而三文鱼籽就脆卜卜，充满口感。

海胆酱芝士焗原只龙虾
龙虾非常新鲜，喺烧之前，龙虾仍然非常生猛。龙虾烧到半熟，就加上芝士，烧好之后，芝士可以拉成丝，而芝士令龙虾味道更浓郁。

焦糖西京酱煎银鳕鱼
呢块银鳕鱼又厚又大块呀！烧香嘅银鳕鱼，油香十足，又鲜又嫰，加上焦糖西京烧酱汁，同银鳕鱼真係最佳搭配，非常惊喜。

北海道煎北寄贝
北寄贝上面放上大量樱花虾同烟肉，北寄贝入口嫩滑弹牙，食嘅时候连埋微微焦香嘅樱花虾一齐食，非常有层次。

<

Tags：好食,丰富,抵食,铁板烧,佐敦,Teppanyaki,Dia

转载：文章来自用户投稿不代表本站观点，如有侵权请联系我们。