【香港Staycation】抵玩泡泡浴套房之选 铜锣湾爱丽舍酒店

【A&M Diary】根据A姐M佬嘅非官方统计，大家去玩Staycation嘅三大要求，一定唔少得喺浴缸浸泡泡浴！如果想浸浴兼要靓景打卡，但budget又唔太多嘅话，铜锣湾爱丽舍酒店嘅行政套房，绝对係我哋嘅心水推介之一！另外，酒店亦有提供月租优惠客房，租期比租楼更有弹性，深受追求私人空间或者喺附近返工嘅朋友喜爱。

酒店大堂
铜锣湾爱丽舍酒店位于铜锣湾摩顿台，大概行3分钟，就可以去到最就近嘅维多利亚公园电车站，玩Staycation嘅同时，不如嚟个慢活嘅电车之旅啦！另外，大约10分钟嘅步程就可以去到铜锣湾港铁站，而铜锣湾区当然唔少得各大商埸、日式百货公司同24小时日式人气超市啦，想行街买嘢同补给日用品都够晒方便！而我哋就特别欣赏酒店自家製作嘅观光地图，非常适合大家扮吓游客，游玩香港。

爱丽舍酒店嘅check-in counter位于地下，虽然大堂设计简约，但check-in过程非常顺畅，员工服务一流，劲快手就攞到匙卡上房喇！由酒店搭lift上房或者凌晨12点后返酒店都要拍卡，保安都算唔错。

房间区域
爱丽舍酒店一共提供92间客房及套房，以楼层同景观分为唔同房型，以及顶层设有浴缸嘅行政套房。由于酒店嘅客房都只係HK$350左右一晚，所以M佬今次话住豪啲，入住28楼顶层，最高级嘅行政套房，等我哋可以浸吓浴，relax吓。

行政套房嘅面积空间感唔错，景观以大坑、维园同维港东岸为主，加上今日天气唔错，可以睇到狮子山一带嘅景色，窗外风景够晒开扬。

双人床属于King size，软硬度适中，床单非常柔软，枕头总共有4个，床嘅两边都有床头柜，亦有插头位方便充电。但略嫌房间嘅窗帘遮光麻麻，喺啲罅隙会有光透入，所以易扎醒嘅我，朝早就比较早起身喇！

另外，房间当然唔少得风筒、衣柜、保险箱、拖鞋同浴袍。另外，房间内嘅mini bar就有水煲、免费嘅茶包、咖啡包同雪柜，基本嘢都算齐晒。

最令我哋欣赏嘅係电视频道选择超多，除咗本地免费电视台，连平时收费嘅英超台、体育台、电影台同台湾电视台都有，真係足不出户都有劲多节目选择。

浴室区域
讲到成间房最值回票价，当然就係浴室内嘅浴缸。我哋特意选购採用天然材料，不含SLS致敏成份嘅bulu.bathbomb泡泡浴球，劲容易就打出泡泡沉呀！浴室景观同样以大坑、维园同维港东岸为主，轻鬆就製造成打卡泡泡浴啦！浴室乾湿分离，除咗浴缸仲有淋浴企缸。至于个人用品除咗牙刷、牙膏，仲有自家品牌嘅沐浴露，味道都几香，如果有需要就自行携带啦！

<

Tags：香港,Staycation,抵玩,泡泡,套房,之选,铜锣,爱

转载：文章来自用户投稿不代表本站观点，如有侵权请联系我们。