〈好食〉久违的日本旅行 尖沙咀牛八和牛烧肉屋Express

【A&M Diary】日本係唔少香港人嘅乡下，久违嘅日本旅行，最挂住嘅当然係日本美食啦！今日M佬就带我嚟到位于尖沙咀The One嘅牛八和牛烧肉屋Express，嚟一次日本伪旅行！餐厅布置成一个机场咁，细心到入座仲会一人有一张登机证添，之后就由机长Captain Gyuhachi喺呢2个小时带我哋向日本出发啦！

牛八和牛烧肉屋Express
餐厅本身就有劲多打卡位，一于喺食饱肚腩凸出嚟之前打咗卡先啦！首先喺入嚟餐厅嘅时候，每人就会有一张代表唔同放题级别嘅登机证，真係好有feel呀！另外，喺天花上仲有航班资料，加上不定时嘅日文同英文登机广播，真係够晒细緻。当大家用QR code落order之后，你嘅飞机餐就会由牛八航空经跑道嘅自动送餐系统送上喇！

飞机餐
呢度嘅飞机餐分为午市套餐同4款放题选择，今日为咗重拾日本嘅味觉，特别拣咗全84品嘅和牛放题！我哋食完之后，真心高度推荐呀！

自取区
喺等紧烧肉嘅时候，可以喺自取区攞嘢食先！惊喜嘅係韩式泡菜，真係好啱我口味，我坚食咗3碟呀！另外，呢度仲有唔少蔬菜选择，例如：粟米、冬菇、秋葵、南瓜、茄子、翠玉瓜同生菜等等，记住蔬菜绝对唔少得，因为可以降低肉嘅油腻感，食得更多呀！除咗要烧嘅蔬菜，仲有沙律、前菜、熟食、饮品同甜品，尚算丰富。

日本黑毛和牛牛肋肉
呢个日本黑毛和牛牛肋肉係和牛放题独有嘅选择，真係食多几碟都够回本啦！因为带俾你久违嘅入口即熔口感呀！上枱嘅时候已经见到雪花分怖非常平均，烧完之后，仲加添咗一份焦香感，和牛嘅油香喺整个口腔徘徊，非常满足。

澳洲和牛牛肋肉
呢个澳洲和牛牛肋肉係和牛放题独有嘅选择，呢款和牛嘅油脂相对日本黑毛和牛牛助肉少，但牛肉味超香浓，各有所好！

澳洲和牛牛舌
牛舌厚切，经过大火烧烤嘅牛舌，肉汁被锁住，肉质爽口，仲有好浓厚嘅牛肉香味。

海鲜
除咗和牛，海鲜就有鱿鱼、大虾、清酒青口、橄榄油蒜香虾等。特别推介大虾，虾身大大只，爽口弹牙，而虾头仲有好多膏添！

其他食物
除咗海鲜同和牛，全部84品嘅嘢食仲包括鸡肉、猪肉、牛肉、炸物同主食等，真係两个胃都无可能全部食得晒呀！

雪糕
唔好以为张登机证只係用嚟影相打卡呀，记住用嚟换雪糕呀！每款放题套餐嘅雪糕都有所不同，而我哋呢个和牛套餐嘅雪糕就係京都抹茶庵嘅抹茶同焙茶口味，雪糕好滑，更重要係啲茶味好浓郁，令油腻感瞬间消失。

<

Tags：好食,久违,日本,旅行,尖沙咀,烧肉,Express,Dia

转载：文章来自用户投稿不代表本站观点，如有侵权请联系我们。