〈好食〉烘焙的味道 尖沙咀Rise by Classified

【A&M Diary】身为包包面界KOL嘅A姐，除咗块面越嚟越包（我今晚肯定要跪玻璃）之外，佢亦都好锺意食热辣辣新鲜出炉嘅烘焙?！今日嚟到尖沙咀嘅Rise by Classified，呢度除咗包、酥、批之外，亦有打卡推介嘅牛角包窝夫，配埋杯咖啡或奶昔，自製一个欧陆风嘅brunch！

蝴蝶酥
呢件蝴蝶酥真係够晒大件，牛油味香浓，更重要係选用低糖配方，入口香酥鬆脆，又唔会太甜。

朱古力甜酥麵包、法式鸡肉鹹批
除咗酥之外，我哋亦叫咗一鹹一甜嘅选择。朱古力甜酥麵包嘅酥皮层次分明，入边有浓郁嘅朱古力馅，香甜又鬆脆；至于鹹点方面，就拣咗法式鸡肉鹹批，食之前可以叫店员帮手加热，鸡肉份量好多，食嘅时候好有口感，而批入面除咗鸡之外，酱汁主要由蛋同奶製成，蛋香十足，好creamy。

士多啤梨牛角包窝夫
今次嚟到Rise by Classified，主要就係试呢到嘅打卡担当：牛角包窝夫！牛角包窝夫即叫即热压，非常酥脆，带有浓郁嘅牛油香。上面放有新鲜嘅士多啤梨，加上蜜糖同旁边嘅忌廉，绝对係少女心嘅推介。

朱古力香蕉牛角包窝夫
除咗少女心嘅士多啤梨牛角包窝夫，仲有呢个朱古力香蕉牛角包窝夫，朱古力酱加上焦糖同香蕉，整体嚟讲唔会太甜。

香蕉朱古力花生酱冰沙
哗！好好饮呀！用上朱古力、香蕉、花生酱、蜜糖、燕麦奶製作，质感厚实，味道好有层次，朱古力嘅香甜，加上花生酱嘅鹹香，味蕾多重享受，虽然好有罪恶感，但真係好好味！

<

Tags：好食,烘焙,味道,尖沙咀,Rise,Classified,D

转载：文章来自用户投稿不代表本站观点，如有侵权请联系我们。