〈好游〉湾仔峡公园童话小屋 失望景点

【A&M Diary】湾仔区係全港18个分区内，四个面积最小嘅分区之一，但原来景点一啲都唔少。我哋上次就行过宝云道同姻缘石，今次再住上行，嚟到湾仔峡公园！点解会嚟湾仔峡公园？因为A姐睇过网上唔少人介绍推介呢度嘅童话小屋，啱晒大家weekend嚟打卡拍拖，但结果係非常失望！

提提你
1. 大家记住保持环境清洁，自己垃圾自己带走，绝对唔可以破坏大自然环境
2. 公园设有公众洗手间，方便游客

前往方法
1. 乘坐新巴15号巴士，至湾仔峡道站下车
2. 湾仔峡公园设有咪錶位，自驾人士可以泊喺呢度，够晒方便

湾仔峡公园
公园面积唔算大，但有凉亭、野餐檯凳、小食亭同洗手间，加上係唔少行山路径嘅中途站，绝对係行山人士嘅补给休息地方！

童话小屋
今日特登行上嚟湾仔峡公园打卡，目标当然係呢个公园嘅童话小屋啦！A姐话之前睇网上介绍，呢间童话小屋上面写住泰文，屋外被植物包围，影相好似去咗童话国度?！但係今日嚟到，嗰屋顶烂咗，旁边嘅树木亦都失修。听呢度嘅公园保安讲，係因为之前啲野猪攻击个屋顶（唔通只野猪係飞天少女猪事丁？）。如果一心一意谂住上嚟打卡嘅就不必喇！

虽然呢个公园可能係一个失望嘅景点，但旁边就係香港仔水塘嘅行山径入口，我同A姐就由呢度行落去香港仔，为今次失望嘅旅程加番少少分啦！

<

Tags：好游,湾仔,公园,童话,小屋,失望,景点,Diary,湾仔区

转载：文章来自用户投稿不代表本站观点，如有侵权请联系我们。