〈好游〉湾仔脱单工程 宝云道姻缘石

【A&M Diary】单身嘅你，寂寞吗？定係爱情路上满途荆棘？抑或係遇人不淑？等我M佬帮吓你啦！想求一段好姻缘，首先你要好好装备自己，转变一下形象，放下自己一啲固执嘅想法。準备好之后，嚟紧週末好去处就去湾仔宝云道嘅姻缘石，祈求天赐良缘啦！（话说好多字母粉都担心我同A姐係咪遇上感情危机，放心放心，我哋只係嚟拍拖兼行山同打吓卡咋）

前往姻缘石方法
1. 乘坐15号巴士，喺港安医院站落车，沿宝云道健身径步行约30分钟
2. 喺湾仔其实有唔少山路，可以上到去宝云道健身径，大部份人会经由石水渠街花园对面嘅山路前往宝云道，沿宝云道健身径步行约20分钟
3. 我哋就选择圣雅各福群会真光护老之家对面嘅山路上山，上山嘅路段相对较少，沿宝云道健身径行2分钟就到姻缘石

JNi.jpg" />

宝云道健身径
姻缘石位于香港岛嘅宝云道健身径内，健身径全长三公里，沿途平坦易行，可以眺望港九维港景色，吸引市民嚟到散步慢跑，如果幸运嘅，仲可能畀你野生捕获发哥添！另外，健身径内亦有唔少健身设施同洗手间，非常方便！

姻缘石
传说第二次世界大战结束之后，一位日本军人同本地女子相恋，但遭到家人强烈反对，所以私奔走到山上，最终化为石头。之后报梦畀北角一带嘅妇女，表示会庇佑来拜祭嘅有情人。据说有好多情侣因此缔结美满良缘，非常灵验。自此越嚟越多人逢农曆初六、十六同二十六日上嚟参拜，「求配偶得配偶；求子嗣得子嗣」。

参拜姻缘石嘅详情，可以请教设于姻缘石嘅古庙，我同A姐喺度祝大家有情人终成眷属。

<

Tags：好游,湾仔,脱单,工程,宝云,姻缘,Diary,单身,嘅你,

转载：文章来自用户投稿不代表本站观点，如有侵权请联系我们。