1

打工仔：每间房每个角度都有CCTV完全失去同坐监冇咩分别

日前，有位打工仔于香港讨论区以我在一间大约有40人公司做一个小员工，老闆係公司内部装咗好多CCTV为题发文，指办公室内布满CCTV，老闆娘会每日会留意员工的一举一动，形容完全失去，与坐监相比没有分别。当员工走入CCTV盲点位，老闆会马上致电员工询问行蹤。该名打工仔更直言，有CCTV并不是问题，问题在于老闆及老闆娘会成日睇住。

每间房每个角度都有，公司内有员工係皇亲国戚，老闆娘每天都望住个mon，每天都留意员工一举一动，完全失去同坐监无乜分别，老闆娘仲会zoom大个mon睇吓你电脑做紧乜嘢，老闆当每一个人都当贼扮，其实疑人莫用，用人莫疑。

我非常之唔想再做落去，当员工行到一个CCTV嘅盲位，员工电话会立即响，老闆会打嚟问你做紧乜嘢，而有亲戚关係嘅同事立即会出现喺你面前，睇吓你做紧乜嘢有冇偷嘢，佢哋又会check 你係咪偷懒或者偷嘢，劲恐怖，电话有录音，佢哋扮演上帝角色，完全控制员工一举一动。

该打工仔表示，在老闆及老闆娘的监控下，完全失去，与坐监没有分别。（图片：Unsplash）

网民斥楼主小事多怪 做份内事就唔使惊

帖文一出，引起网民两极回应。有网民表示，办公室内安装CCTV并不罕见，形容楼主小事多怪。有人更指，只要楼主返工做好分内事，就不应为此而感到忧虑。

楼主真有趣，喺office装cam有乜咁出奇？好惊畀人见到你係office hour时上鹹网、定惊畀人捉你蛇王/瞌眼瞓？ 锺意做咪做，唔锺意做咪辞职啰。今日做夜更保安、通宵更看更，都係闭路电视对住个保安，瞓觉即炒，好多时仲叫日更嘅保安睇CCTV，check夜更保安有无瞓觉。 我公司都有cam，我做咗十几年都无咩感觉，同事会蛇王、吹水、倾计、食零食亦无人管 ，老闆唔会成日睇Cam。除非唔见咗贵重嘢，公司办公室长期放咗等贵价嘢。

你唔满意就唔好做呢份工，你老细装CCTV有无犯法呀？你返工 唔係做嘢呀？你老细出少啲粮得唔得，同样你当然唔可以「吞泡。呢个唔係私稳问题，你唔钟意就去搵第二份工！」

大把工作，公司係咁。有啲工作，连电话都唔畀跟身。 楼主少见多怪，以前做政府部门，柜檯位置有几枝镜头对住，其中一枝，输入什幺字母都睇到，又有录音，只要工作上没有歪念，何来压力。 如果返工係做份内事，再多cam都唔惊。楼主感觉唔良好嘅话咪考虑辞职啰。 如果我是老闆，我会係公司内部装 CCTV，更準确看看员工的表现，不需要依靠别人来评估员工的表现。公司是老闆的公司，如果你不喜欢 CCTV，你可以找到另一份工作。 有网民指，做好份内事就不用担心。（图片：Unsplash）

无CCTV 先知咩叫正常？

又有网民分享自己过往的工作经验，指曾遇过不少公司安装闭路电视，后来转到没有CCTV的公司后，才知道何谓正常。

我个朋友公司都係，公司得4个人，有6部cam，每部电脑都有个cam影住。因为老闆经常不在香港，虽然好似无咩嘢咁，但我朋友做咗几个月就无做，觉得好无瘾。

试过听到老闆话见到个同事用手指辘手机，就话人哋应该係搵紧工。点解连用自己手机嘅都无？又同我讲公司买你9个钟，你嗰9个钟係公司嘅，完全同坐监无分别，话同事唔听指令，当同事係狗咁训练，要听佢指令先可以做。

我前老闆同一层有几个单位，加埋超过30个cam，佢间房有大电视睇晒所有cam。而我另一个老闆唔介意员工返工煲剧及打机，所以啲员工好买力，多嘢做要加班都无怨言。 我以前公司都係咁，个女人日日睇住十几个mon，惊死有人害佢，但公司又唔见好赚钱，后来转到??间公司，无CCTV，先知咩叫正常。

装CCTCV无问题 问题出自老闆的做法？

虽然有网民指于办公室内安装CCTV普遍，但有人同意楼主的，直言老闆及老闆娘时时刻刻监控员工的做法有问题。

公司装cam其实唔係咩怪事，怪就怪在一到死位就电话响。 有CCTV好正常，但无时无刻睇到实，连你一举一动，一唔见你就搵你，就真係有问题！ 装CCTV无问题，老闆日夜望住CCTV咁得闲，呢啲公司执笠多，正常老闆咁得闲，搵生意去搵钱，睇住CCTV会有生意咩？ 有网民指，老闆及老闆娘时时刻刻监控员工的做法有问题。（图片：Unsplash）

网民：楼主你喺监狱嗰度做嘢

然而，亦有网民同情楼主，指充满闭路电视的工作环境十分恐怖，甚至有人劝他应该辞职。

你公司都几奇怪喎，要每间房每个角度都有Cam？你话你老闆娘会zoom大个mon，睇吓你电脑做紧咩？佢返工就係做呢啲？你老闆又当每一个人都係贼扮，你公司卖金银珠宝?？

点解唔走？ 接受唔到，辞职。 咁样返工都几大压力。 楼主你喺监狱嗰度做嘢。 癖。 仲唔辞职走人？ 有网民形容楼主喺监狱嗰度做嘢。（图片：Unsplash）