1

楼主：61万公屋买唔买得过？

日前，有网民于连登讨论区以61万公屋买唔买得过？为题发文，指自己与嫲嫲及父亲三人同住在黄大仙一个300呎、有两房一厅的公屋单位。楼主指虽然家人并无意将单位买下，但觉得自己快将毕业且有继续，因此想儘早搵到地方落脚，亦可当作买给父亲居住。

图片：连登讨论区

转手卖出必赚？网民：政府送钱畀你仲要谂

帖文一出，网民几乎一面倒建议楼主理应买下单位，直言以61万元买入市区单位，再转手卖出定必稳赚。

梗係买，呢啲问题都要问！买咗， 转手即卖都赚两球。十几廿年前开始先廿几万， 当时冇买已经做错咗。 61万根本唔使谂即买，人哋61万半份首期都唔够。 政府送钱畀你仲要谂？ 唔使谂一定买。早三年前都係买咗南昌附近租置公屋，680k。过咗头三年定五年之后可以卖返出去补地价，有本事自己储到钱之后转过手卖返出去再换屋，冇本事咪住自己间公屋。 一球都唔使嘅市区楼，无理由唔买啦！ 61万，买个同区车位都唔得?我就会买啦！ 必买唔使谂。你睇下租置邨二手卖返出嚟嘅新闻，新界区细单位起码百几2百万，楼主仲要市区单位！

买咗就係资产，仲要值过百万，只係比而家畀多几千蚊月供，係财富增值，唔係负担。如果迟啲，你阿爸都百年归老，你自己组织家庭就可以变卖，多一笔财富如果谂间屋係可以变绿置居或者第二市场居屋，就唔好谂呢啲无把握嘅嘢，抽中市区绿置居机会低，居屋贵，点解唔买咗佢，之后卖，变相啲钱灵活变首期或者变其他资产。

月供几千蚊当交租？

又有人坦言，以61万元购入单位后，无论是做10成按揭或是8成按揭，月供仅数千元，长远而言比租楼还更划算。

呢单嘢边有讨论空间，好处就唔讲太多，61万一个月先供几千元，净係无兄弟姐妹同你争，已经完全无唔买嘅理由。 买，8成按揭，分25年还。月供2,100元，当交租，点解唔买？业主写你名，之后阿嫲老豆再申请公屋攞多间！ 梗係买啦，61万蚀住来做，你租多几年劏房已经喺度了！ 10成按揭供15年都只係月供4,000元有找。4,000元係市区连个有盖车位都未必租到！ 图片：Unsplash

买咗保证自己有地方住

有网民则认为，如果楼主现在将单位买下，就算有朝一日她的父亲离世，亦保证有地方居住；相反如果没有将单位买下，楼主未来的入息超标，父亲离世后亦无法继承现在所居住的单位。

买！Touch wood你老豆有咩事过咗身，你入息一定超标无得继承间屋，到时你出去要租返一样尺寸单位啲钱，租几年都等于呢个数。 买。如果爸爸他日仙游，自己一定有地方住。

除了能为未来作出保障，有网民指将单位买下后，无论是自己成为业主，或是父亲，对楼主长远而言亦有好处，因此搵唔到唔买嘅理由。

第一，楼主买咗可以用自己名做业主（当然现在要有名于户籍先得），然后老豆阿嫲再排老人特快公屋，几年后就已经一变二，随时派到租置嘅再买，派唔到嘅就绿表买居屋，再放黄大仙现有公屋，就有旧钱做首期。

第二，买完照用老豆名，楼主留番个首置名额，将来可能买私楼或已补居屋。所以我觉得，无理由唔买！

网民：除非有痴线佬邻居、想移民

有网民坦言，除非邻居有问题，或者有移民打算，否则建议楼主应将单位买下。

60万all in都抵！楼主，除非你左右隔离係痴线。 梗係买啦，61万租楼住几年都係返度。BTW，隔离左右係咪正常人？佢哋住咗几耐？ 买啦，除非你谂住过几年移民。 其实买得过除非有痴线佬邻居先唔会买。 图片：政府新闻网

单位楼龄高 或须承担高昂装修费？

虽然大部分网民一面倒，认为楼主应买下单位，但有人却认为单位楼龄高，购入单位后未来需要承担大厦的装修费，建议楼主应该三思。

三十几四十年楼，大把维修要做，你买咗就全部要自己畀！绿表买居屋好过。

唔係一般嘅烦。好似东头邨，早两年房署先发现原来无预到冷气机出水喉位，全部要畀钱装。然后贵东楼因为新冠肺炎又搞到要验污水渠，又话要装嘢又要畀钱，仲有佢过几年又要换??又要夹！

经租者置其屋计划 以低于市价购入单位

事实上，政府早于1998年初推出租者置其屋计划（租置计划)，容许居住在租置计划屋邨的住户，以低于市价购买所住的单位。不过，政府于2002年重新修订房屋政策，房委会于2005至2006年推出第六期乙租置计划，已将计画暂停。现在，居住于租置屋邨的住户仍可购买所居的单位。

租置屋邨名单，可参考房委会网页。

图片：政府新闻网