1

楼主：一定要买有露台嘅楼？

日前，有网民于香港讨论区以有冇人买楼一定要有露台? 露台有咩用为题开post，表示有朋友最近正睇楼，指一定要买有露台的楼盘，但他却认为好难打理，因此发文想知道其他网民对露台的看法。

朋友最近睇紧楼，佢话一定要买有露台嘅楼。露台真係好咩？打风落雨好似好麻烦又难打理。

住过有露台之后返唔到转头？

帖文一出，惹来网民两极的回应。部分网民指住过有露台之后返唔到转头，不但可以晾衫，甚至能BBQ、种花等，且空气更为流通。甚至有人会在露台欣赏风景，放鬆心情。

我住过有露台之后翻唔倒转头，主要係晾衫。 晒衫有用，如过挂屋入面，会有好大阵洗衣粉味，吸入对身体唔好。 有露台好好用日日用黎晾衫省了不少电费！ 可能因年纪喜好，对多在家多的人露台很重要。空气好，落雨门留少少对流，晾衫唔使理，出露台可以望下街，有露台的楼多数较新。

可以晾手洗完，湿嘅衫，由得啲衫喺露台滴水晒乾。夜栏人静，企喺露台扮有品味饮下酒，汽水。嘈完交，行出露台睇下风景冷静下又得。

好多嘢玩，种花、养鱼再摆套室外用櫈同茶案，一本书，坐成个下午都得；半打啤酒 ，坐到深夜又得。Man Cave！ 我露台用来晒衫，种花，放杂物还有得闲开张沙滩枱睡觉。 除咗晾衫，我锺意喺露台食早餐食宵夜，一路食一路睇风景，爽！

除此之外，有网民坦言，买楼必须要有露台，因为空间感会大好多之余，亦无咁。不过，有网民却指露台的用处不算多，但但冇会觉得少些嘢。

有网民指露台可以用来晒衫。（图片：Unsplash）

网民盘点露台缺点 怕跌落街、新楼唔畀人晾衫

虽然有部分网民支持买楼要有露台，有人却直言香港的露台太细、多，根本没有任何用途，亦有人觉得露台并不安全。

心惊胆跳好容易跌落街。 我反而一定要买无露台嘅楼，觉得唔安全，尤其是小朋友丶动物丶老婆 有新楼唔畀人晾衫！ 如果唔畀晾衫又唔畀摆杂物，露台仲有咩用途？

部分家中有露台的网民却指，打理露台十分麻烦，坦言有苦自已知。

畀太阳光直射，热到溶；落大雨，成个露台地都係水；吹强风时，又大尘。到时就知味道！部洗衣机好快玩完，杂物就唔使讲了。利申，自己住紧，有苦自已知。

无实用的用途，唔可以晾衫，唔可以放杂物，又怕细路出去玩危险，实在是没有用的！ 楼下单位个露台会不时有烟灰由楼上跌落嚟。 我屋企有露台加工作平台，工作平台主要用嚟晾衫，都算有些用。露台呢夏天怕热、冬天怕冻，一年企出去夹埋都无30分钟。 买之前从无考虑过有冇露台，纯粹睇钱、地方、自己钟唔钟意， 啱唔啱自己。到买咗有露台之后，十年都唔出去一次，唔会用嚟晾衫，只係每年洗一次！ 部分网民留言批露台无实际作用。（图片：Unsplash）

香港楼露台太细 华而不实？

虽然网民对单位有露台持两极意见，有网民却指露台面积的大小才是重要的考虑因素，认为面积够大，足以摆放梳化、枱等，才算是有价值。然而，香港大部分的单位面积有限，且部分大厦公契对露台的多，有人批华而不实。

喺香港除非买大啲，几百呎私楼间格豆腐咁大地方，转身都手差啲撞玻璃又话露台，要嚟都浪费地方。露台要有番咁上下大，够地方种下花草，摆得落一张细茶几两张凳，有时间坐喺度吹吹风睇睇景，食嗰下午茶饮吓嘢咁先有其作用同价值。有呢啲当然正，如果勉强不如唔要。

其实锺意有露台，源于内地啲楼露台又大又实用，所以都想香港屋有露台。但港楼露台太细，放唔到啲咩，人哋内地放梳化放枱放洗手机乜都得，香港啲露台变咗好似以前用窗台嚟呃呎咁，真係谂唔到有太多用途，实际亦都因为大厦公契乜都唔做得，咁贵但多多又唔实用，加上係主人房为呃呎，整埋工作平台。??家唔太喜欢露台了，外面係靓，但华而不实。 细嘅，唔想要。够大可以放张枱，几个人打边炉或者BBQ咁先有啲意思！不过有呢个size嘅露台嘅楼一係我买唔起所以我都係住啲无露台嘅旧楼算了！ 好多露台放洗衣机、地拖之类，可以晾衫，好多仲可以加窗封闭咗佢唔使铺尘香港露台好似多好多，起码唔封得。 不少网民指，露台要够大才实用。（图片：Unsplash）