夏日最Hot活动│相约陈柏宇 行山 ＋音乐会 ＠Miss Sunny
终于都见番艳阳高挂嘅日子喇！夏日梗係要有太阳先生衬托至够完美啦～ 上星期六，我就参加咗陈柏宇（Jason）嘅户外音乐会Bioré UV x MOOV音乐大晒—陈柏宇，除咗听歌，最特别仲可以同偶像一齐跳出室外 行山 、亲近太阳，咁特别嘅户外活动，都係第一次！ 当日太阳先生好唔客气咁放闪，我Miss Sunny梗係做足準备，带埋Bioré长效清爽防晒喷雾，先可以保持白滑皮肤！非常细心嘅Jason仲不时帮大家补涂防晒，sweet到呢～ 上星期六超好天，走入元朗锦田，主题色就只有：蓝、白、绿，被蓝天白云青山围绕住自己，零舍精神爽利！ 当日，Jason连同80位Fans和参加者，由元朗锦田水尾村天后庙出发，沿住村屋行大约半个钟，再走上一个小山坡，眼前就係绿油油嘅鸡公岭，仲可以居高临下欣赏锦田全景，画面极美，我同一班参加者都忍唔住影相、Selfie打卡！ 今次所拣路线以平路居多，加上有靓景睇，全程感觉几轻鬆。大家沿途不断同Jason Selfie、倾偈，相信係前所未有咁近距离同偶像接触，大家都非常开心。到咗好有气势嘅鸡公岭，当然来个大合照兼航拍，先下山去名乐村开concert。 Jason同Fans抵达名乐村后，户外音乐会随即开始。Jason随着心情轻微修改咗歌单，玩即兴Jam咗几首歌，打响头係《Medley：木马小盒、别怕失去、行尸走肉》，然后有《让飞》、《航拍》，同埋大家熟悉嘅《没有你，我甚幺都不是》。 虽然当日尾段落咗阵骤雨，但係音乐会气氛全无影响。Jason有木结他伴奏，以acoustic演绎，仲有雨声衬托住，反而仲好feel！ 到咗问答游戏时间，防晒系数SPF 1等于可以防晒15分钟，咁有SPF 50嘅Bioré长效清爽防晒喷雾可以防晒几耐呢？Jason谂咗好耐都未计到时间，讲笑话：哗，防晒时间咁长，下年都唔使补喷啦！全场人忍唔住大笑！其实，答案係12个钟，足足有半日咁多！第二日会去游船河嘅Jason，已经谂住带埋支Bioré长效清爽防晒喷雾，晒足全日都唔使惊。 提起防晒用品，好多人都用防晒霜，不过夏天热辣辣，用喷雾就够晒爽！Bioré长效清爽防晒喷雾质感有点似lotion，最锺意佢透明质地唔泛白，非常清爽。佢用咗独有嘅日本Sara Sara Powder技术，防晒粒子可以好均匀咁分布肌肤表面，全面阻隔紫外线，加上防水防汗，效果持久。佢仲加入咗洋甘菊精华，可以为肌肤补充水分，就算长时间日晒，皮肤都唔会好乾。最锺意佢喷落皮肤感觉凉浸浸，天气又热又焗，出咗汗都无负担，全身包括面部同头髮都用得，简直係炎夏必备！
边行山边Selfie 鸡公岭前玩航拍
出发 行山 前，指定动作当然係喷防晒啦！
Fans把握机会，边行边Selfie。
沿途Jason仲不时搞烂gag，笑死一班Fans。
流咗汗，Jason提提大家要补搽防晒，Bioré 防晒喷雾质感清爽透薄，喷落皮肤感觉凉浸浸，仲可以为肌肤补充水分，皮肤无咁乾，炎夏必备。
见到偶像喷防晒，Fans都即刻跟住补喷。
又係Selfie time，Jason都一一满足大家～
Jason率领大家浩浩蕩蕩上小山坡，预备睇靓景。
大家背后就係鸡公岭喇～
抵达小山坡，眼前嘅鸡公岭一片绿油油，有净化双眼效果。
另一边就係锦田全景。
全程都几轻鬆，对Jason同一班参加者嚟讲都无乜难度。
迷你音乐会即兴Jam歌
Jason当日以acoustic演绎歌曲，简简单单但反而更突出佢清脆嘅歌声。
喺名乐村咁近大自然听音乐会，相信好多Fans都係第一次。
问答游戏时间：SPF 50嘅Bioré 防晒喷雾可以防晒几耐？Jason讲笑话：哗，防晒时间咁长，下年都唔使补搽啦！
Jason特别提醒大家，涂防晒最易忽略颈背部位。
爱搞鬼嘅Jason，变成音乐大晒嘅人肉大字。
唔少Fans都带埋CD让偶像签名。
完咗音乐会天空又放晴，当然要再亲亲太阳先生，来个大合照。
炎夏必备 清爽防晒喷雾
Keira：行山＋音乐会，呢个活动组合好新鲜，最开心係咁近距离接触Jason。今次户外活动用Bioré长效清爽防晒喷雾，觉得质感好爽，完全唔笠。
Daphna：虽然最尾落雨，但都无影响气氛，有雨声衬托听歌，又係另一种正feel，今次活动好好玩呀！
Bioré长效清爽防晒喷雾SPF50+ PA++++（左：增量装$159.9/150g；右：$99.9/50g）
本页关于 夏日最Hot活动│相约陈柏宇 行山 ＋音乐会 ＠Miss Sunny内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。