沖绳大自然的美味盛宴 即开生蚝＋海鲜拼盘＋炙烧波士顿龙虾＋阿古猪
当你好挂住那霸泊港鱼市场里面各种即日鲜捕、鲜甜肥美且价钱超抵嘅海鲜水产时，Mastu （等等）！呢度亦搜罗咗多款嚟自日本，以至环球嘅时令海鲜拼盘，包括有即开生蚝、松叶蟹脚、半壳青口、蓝青口、冻虾等。除咗冰镇冷盘外，仲有沖绳常见嘅盐烤做法。现场亦有炙烧波士顿龙虾，配以菠萝蛋黄汁或黑糖味噌汁，两款一甜一鹹嘅沖绳特产调味酱汁。 沖绳人出名锺意食猪，甚至去到除咗叫声以外全部都食嘅热爱程度，而阿古猪（Agu）係当地原生黑毛猪特有品种，由于肉质甘甜、爽嫩味美、零腥羶味，据说胆固醇含量只係一般猪肉嘅25%，加上数量稀少供应有限，所以又有梦幻之猪嘅美誉。虽然炖煮係当地最常见嘅烹调手法，但为咗令大家食到梦幻之猪最原本嘅真实滋味，今次自助餐分别以凉拌同火锅，两种一冷一热又最简单直接嘅烹调方式，完美呈现出阿古猪嘅味道同质感。 苦瓜係沖绳名物之一，尤其夏天当造季节，沖绳人好锺意将苦瓜做成凉拌、炒蛋、Chanpuru（炒什锦）等地道料理。今次自助餐亦有中日合璧嘅香煎沖绳阿古猪凉瓜鹹蛋黄饼（热荤）、清新爽脆嘅沖绳凉拌凉瓜（前菜沙律），同埋好特别嘅凉瓜荞麦冷麵（主食）！低卡高纤嘅荞麦麵係日本女生最喜爱嘅麵食首位，除咗崭新凉瓜口味外，仲有另一沖绳三宝—红芋口味，绝对要试！ 甜品区设有一个非常抢眼沖绳沙滩打卡位，大家更可以动手玩泥沙寻实，用匙勺舀起朱古力沙里面嘅朱古力贝壳。 而家只要Like埋酒店嘅Facebook专页 https://bit.ly/32Whsv4，仲可尊享8月限定优惠??！ 供应日期：即日起至9月2日 供应时间：5:45pm 10pm 价目*：$388起 小童$308起 地址：沙田白鹤汀街八号帝都酒店三楼 订座电话：2694 3886
2+2 café现场环境布置得好有日式料理酒屋风格。
即开生蚝＋海鲜拼盘＋鱼生刺身＋炙烧波士顿龙虾
松叶蟹脚、半壳青口、蓝青口同冻虾等时令冰镇海鲜无限量供应，配上自选酱汁，口感更佳。
现场所见每只生蚝都肥美饱满，入口鲜甜多汁且海水味丰。
现场仲有专人为大家即场开蚝，画面甚有睇头。
生蚝区以海天一色嘅渔人码头做背景，置身其中令人心旷神怡。
至于永远高踞人气三甲嘅鱼生刺身，同样有专人现场切割準备。
炙烧波士顿龙虾龙虾肉质鲜嫩弹牙，煎香后蘸上沖绳菠萝蛋黄汁或者黑糖味噌汁，再用火炭烧至金黄微焦，大幅提升龙虾肉嘅鲜味，Umami萦绕舌尖上久久不散。
龙虾同样由师傅喺Open Kitchen为大家即席灸烧，保证新鲜！
必食冷热首选：阿古猪+和牛配宫古岛雪盐
蒜泥阿古猪将阿古猪成幅蒸熟后再切成薄片，唔单止保留咗肉质鲜嫩甘甜嘅特质，更令人感受到油脂喺口里面化开嘅独特口感！除直接食用外，亦可伴以生蒜、熟蒜同花椒混调而成嘅风味酱汁佐食，食落甘而不腻、更添惹味。
沖绳阿古猪海鲜清汤火锅选用阿古猪最肥美嘅五花肉部位，再加入蓝青口、鲜虾等海鲜同杂菜煮成高汤涮熟，营造出五花肉入口即化，兼瀰漫住层次丰富嘅海洋鹹鲜味，将汤汁浓度同鲜度一併昇华，绝对不容错过！
沖绳雪盐薄烧M5和牛特选上乘M5和牛放喺铁板上，即场烧至七成熟，霜花同肉汁啱啱好被完美锁住，仲散发出阵阵诱人肉香。
师傅会喺Open Kitchen为大家烹调和牛，同时洒上蕴含18种矿物质，被喻为世界第一，出名细腻幼滑嘅宫古岛雪盐嚟提鲜，保证原汁原味。
沖绳雪盐海鲜拼盘现场即叫即烧鲜虾、秋刀鱼、多春鱼、三文鱼鲛等多款时令海鲜，再洒上沖绳名物雪盐同蒜蓉嚟提鲜，令一众海鲜更加鲜香四溢，香浓惹味得叫人难以抵抗。
沖绳雪盐海鲜拼盘以最简单常见嘅盐烤方法，将一众海产独有清新鲜味完全突显出嚟。
沖绳凉瓜三宝＋凉拌冷麵
凉瓜冷麵配上葱花、木鱼丝及冷麵汁，感觉清凉舒爽，最啱炎炎盛夏。
沖绳主题甜品区，重点推介逐样数：
沖绳海洋香醇浓郁朱古力外层，配以沖绳菠萝酒慕丝同海绵蛋糕，味道清香幼滑。加上充满沖绳海洋气息造型，并点缀有色彩夺目嘅朱古力贝壳，犹如一幅立体食用风景画，叫人一试难忘！
沖绳红芋挞以沖绳名物红芋入馔，其营养价值高，却较其他地瓜低糖，而且口感绵密香甜。以浓厚红芋茸配上鬆脆牛油曲奇挞底，造型精緻优雅，口感丰富，令人一试倾心！
西班牙油条配沖绳雪盐朱古力酱外脆内软的西班牙油条，充满玉桂香味。配以沖绳雪盐同埋厄瓜多尔可可豆混调嘅朱古力酱，营造出鹹甜交融嘅独特层次口味。
沖绳主题甜品区，布置成童话小牧场般可爱精緻。
食完自助餐意犹未尽可走进期间限定店，搜罗最啱口味嘅沖绳特产，好似黑糖、海盐、凉瓜麵、红芋麵同菠萝白酒等。
2+2 café位于酒店三楼。
帝都酒店仲夏沖绳鲜味．海鲜自助晚餐
本页关于 沖绳大自然的美味盛宴 即开生蚝＋海鲜拼盘＋炙烧波士顿龙虾＋阿古猪内容仅供参考，请您根据自身实际情况谨慎操作。尤其涉及您或第三方利益等事项，请咨询专业人士处理。