1

日本电车扰民行为排行榜Top 15！

第15位：于人多车厢内睇书（新闻、杂誌、书籍等等）

非繁忙时间就当然冇所谓啦！但係部分日本人认为，喺繁忙时间迫到唞唔到气嘅电车中，打开书或报纸睇，係非常扰嘅行为！因为唔止要腾出空位隔距睇书，更会因电车摇晃而被书本撞到。

有位坐都还好，要企嘅话，就要注意唔好整到人喇！ 睇报纸所需嘅空间更大，最好喺月台读完先上车！

第14位：电子机器类的操作音（手机、游戏机、电脑等等）

日本人对安静环境非常严厉，最忌扰到其他人，按键时嘅哒、哒声会令佢哋觉得好困扰！记得小心注意按键时发出嘅噪音喇！

使用电脑打键盘时所发出嘅声响最大，喺车上就尽量避免使用喇！ 女性指甲较长，容易因指甲敲打到手机屏幕而发出噪音。

第13位：优先座的礼仪

优先座同香港嘅关爱座一样，係畀有需要人士优先使用，通常设于车卡嘅头、尾两端嘅3-4人席。唔少日本人都偏向避开优先席唔坐，虽然唔係唔坐得，但都係要留意番有冇需要让座嘅人士啊！

日本方面曾经出过张poster叫大家唔好扮瞓、扮唔知，情况同香港差唔多咁严厉呢?? 记得坐还坐，唔好一人佔晒所有位！

第12位：在特定场所以外的地方吸烟

日本设有唔少吸烟室专畀吸烟人士使用，其他公众场所都係禁烟嘅，需要使用嘅话，记得搵番呢啲专用室嚟用喇！

车站月台上较少设有吸烟室，多数都设于站内出入口。 吸烟人士记得入闸后唔好随处吸烟喇！

第11位：坐在电车地板上

即使唔係满员电车，有时都难免搵唔到位坐，呢个时候就只能忍耐一下等空位啦！因为坐喺地板上不但不雅观，更会阻碍到其他乘客走动。

车内通道已经算唔上阔，再坐喺地上霸佔空间，係非常扰嘅行为！ 成条通道塞住晒，连上、落车都好困难！

第10位：于人多车厢内饮食

日本电车内其实并不禁止饮食，但係对于食味传出嘅味道还是有点的。味道较强烈嘅食品，就要尽量避免于人多嘅列车上进食，因为味道会久持不散。

就算车厢较空，都唔好大排筵席?? 食麵等有汤嘅食物，亦应小心汤水外溢嘅机会呀！

第9位：于车内放置垃圾、空罐

日本人对于环境乾净嘅要求较高，所有食物饮品应该自携离开，切勿弄髒环境！

特别係一踢就泻嘅饮品，更应小心保管到落车丢弃！ 食物包装或饮品空罐等，记得要自己好好带落车！勿留在车上！

第8位：在车内化妆

喺公众场合下化妆，会被视为不礼貌嘅行为，想补妆或者搽唇膏都要到洗手间进行！因为化妆品嘅粉末等物料有机会散于空气中而令人感到不适，而且有机会弄髒环境。

女士应避免于电车车厢内化妆。 补妆都记得要等到落车先好补呀！

第7位：在醉酒状态下乘车

酒醉时身体摇摇晃晃，唔单止容易整到人，更会有于车厢内呕吐嘅危险！饮醉酒就最好唔好搭电车喇！

醉酒搭车容易为他人带来麻烦。 就算唔会呕，坐到咁都一样会令其他乘客觉得困扰??

第6位：智能电话的使用方式

除咗倾电话，更包括于月台上边行边玩电话，唔睇路咁行好容易会撞亲人，又或者阻碍他人去路！

喺日本电车上係唔应该讲电话嘅！ 手机要记得调校至静音模式！

第5位：耳筒漏音

噪音係日本人好介意嘅一环，太嘈会令人觉得你冇礼貌！即使听歌，都记得要留意番音量会否太大而导致漏音！

戴耳筒都唔代表其他人听唔到你听紧咩嘅！ 上电车后，记得留意番音量，避免为他人造成困扰！

第4位：上、下车时的礼仪

最紧要上车前排好队，遵守先落后上嘅规矩，下车时要让开，唔好阻塞门口通道！

排队上车係喺日本搭电车嘅基本礼仪！ 而且记得唔好阻塞月台嘅楼梯通道！

第3位：座席的坐法

合拢双腿，呈90度直角坐直，腿不向外伸出，保持足够空间予其他电车使用人士！

即使係男性都唔应该大字形咁坐！会霸佔过多座位而令其他人无法坐下。 双腿交叠都係令人非常困扰嘅一种坐法，容易整到人！

第2位：嘈吵的谈话声、玩乐

都係嗰句，记得保持安静环境！要倾偈嘅，就记得降低声量。

喺车上倾偈时，记得要细声讲细声笑啊！

第1位：随身物品的拿法、放置方法

日本近年有款专门面向打工一族嘅背囊非常受欢迎，令揹背囊返工嘅人急速增加。但电车行驶时难免摇晃，令唔少人被背囊撞到而觉得困扰。并认为上车后应将背囊掉转揹，放于胸前，避免撞到后方嘅人。

用随身物品霸佔座位都係非常令人讨厌嘅行为！ 分分钟一个唔觉意就会整亲人！

撰文：[emailprotected]｜图片来源：Twitter｜原文刊于：GOTRIP

即睇更多：投资59万移居日本！港夫妇东京开粥店4个月终收支平衡｜网络热话

即睇更多：日本文化10个为甚幺！浸完温泉饮牛奶、日人来港爱买纸巾XO酱｜网络热话