〈好食〉抵食惊喜星马菜 将军澳亚金南洋茶室

【A&M Diary】近期将军澳有一个魔雪奇缘展览，吸引一班小朋友，当然唔少得A姐……个契女啦！行完展览，我哋就去到将军澳新都城嘅亚金南洋茶室食星马菜，选择都唔少，有叻沙、海南鸡、肉骨茶等星马菜必食嘅菜式，估唔到价钱抵之余，仲劲有惊喜喎！呢度嘅晚餐够晒抵，除咗主菜之外，仲有油菜同饮品，仲可以以优惠价钱加购小食，份量非常之多，CP值高。

炸虾饼
炸虾饼相信用咗劲多虾製成，所以虾饼弹牙，而且即叫即炸，炸到金黄色，外观非常吸引又够香脆。

招牌叻沙
呢度嘅叻沙汤底确实满分，充满浓郁嘅椰香味，非常顺滑。我哋拣咗中辣，食得出用咗唔少香料，令味道非常有层次。配料有鱼腐、鲜虾、蟹柳、鱼片头、鱿鱼圈、豆卜等，份量非常之多，连虾都有两只。麵底就拣咗渗渗，即油麵加米粉，增加口感。

一字骨肉骨茶配白饭及油条
呢度嘅肉骨茶係马来西亚派别，汤底充满浓郁嘅药材味，係我哋最锺意? ！一字骨有成六旧，份量又係比预期多，仲要成个砂煲上，饮到底仲够热辣辣。

白玉仙草
甜品方面，我哋就拣咗白玉仙草，入面有凉粉、龙眼肉同椰果， Q弹嘅椰果同软腍腍嘅凉粉形成强烈对比，非常有口感。至于龙眼肉清新鲜甜，好满足呀！

<

Tags：好食,抵食,惊喜,星马,将军,澳亚,金南洋,南洋,茶室,Di

转载：文章来自用户投稿不代表本站观点，如有侵权请联系我们。