您现在的位置是:社会

〈好食〉蒸海鲜台式火锅两食 旺角尚膳养颜滋补锅

2021-03-28 08:00社会

简介【A&M Diary】新鲜嘅海鲜真係唔驶花巧,加少少蒜蓉清蒸就最好味。食完海鲜再将海鲜嘅精华打埋边炉,就更彻底啦!今日我哋嚟到旺角嘅尚膳养颜滋补锅,先食蒸海鲜再打边炉,一次过满足两个愿望。餐厅以中式为设计风格,装潢古色古香,环境相当优雅,而地方阔落...

【A&M Diary】新鲜嘅海鲜真係唔驶花巧,加少少蒜蓉清蒸就最好味。食完海鲜再将海鲜嘅精华打埋边炉,就更彻底啦!今日我哋嚟到旺角嘅尚膳养颜滋补锅,先食蒸海鲜再打边炉,一次过满足两个愿望。餐厅以中式为设计风格,装潢古色古香,环境相当优雅,而地方阔落,坐得舒服。食材够新鲜而选择非常多,呢个晚餐真係够晒丰富!

尚膳麻辣锅(小辣)配酸菜白肉锅
鸳鸯锅就选择咗尚膳麻辣锅配酸菜白肉锅,一边辣一边酸就最夹啦!我哋今日拣咗小辣嘅麻辣锅,入面劲多香料。欣赏汤底一啲都唔油,唔算太辣而香气十足,几适合香港人口味。麻辣锅本身有鸭血同蜂巢豆腐。鸭血份量算多,非常滑溜;蜂巢豆腐索晒汤汁,够晒刺激。至于酸菜白肉锅亦非常足料,微酸够开胃,汤内已有酸菜、白肉同宽粉,一滚就有得食啦!

蒸蕃薯蚬
打边炉前,店员会先喺锅底上加上蒸?,开始食蒸海鲜。蕃薯蚬份量多,蒸到开盖就食得。蕃薯蚬嘅肉身唔算大粒,但就非常鲜甜。

蒜蓉粉丝蒸开边虾
虾预先开边除咗方便大家食用,更可以令虾肉更入味。上面放有蒜蓉粉丝,蒜蓉香浓,虾肉弹牙,当然精华就係啲粉丝啦!

蒜蓉粉丝蒸象拔蚌仔
象拔蚌仔大大只,蚌肉厚身,非常鲜甜。

蒜蓉粉丝蒸元贝
元贝成只手掌咁大,新鲜肥美,味道鲜甜。

蒜蓉粉丝蒸蛏子
蛏子长身,索晒蒜蓉香味,令味道更有层次。

牛颈脊
牛颈脊非常新鲜,色质红润,雪花纹理清晰,牛肉味特别浓,轻轻一渌就食得。

西班牙黑毛猪
黑毛猪颜色粉嫩,肥瘦均匀,好嫩口,猪肉味香浓!

狮头鹅肠
清新乾净,无腥味,爽口弹牙。

四式饺子拼盘
四式饺子有鲜虾菜肉饺、猪肉韭菜饺、鲜虾云吞同凤城水饺,粒粒都係餐厅自家生製,用料新鲜,粒粒饱满!

野生竹笙
竹笙係必叫!竹笙係必叫!竹笙係必叫!重要嘅事情要讲三次!野生竹笙劲大条又厚身,竹笙索晒汤底精华,无得输!

三色滑拼
三色滑分别有手打墨鱼滑、手打虾滑同手打鲮鱼滑。三种滑都係最锺意就係餐厅自家製。我哋最锺意就係手打虾滑,入面劲多虾,超弹牙!

<

Tags:好食,海鲜,台式,火锅,两食,旺角,尚膳,养颜,滋补,Dia

上一篇: 〈好物〉BB展开锣 有得换大量礼品

下一篇:没有了

广告位
    广告位
    广告位

标签云

    好食,海鲜,台式,火锅,两食,旺角,尚膳,养颜,滋补,Dia