您现在的位置是:社会

〈好玩〉极限活动放题 任玩飞索攀岩

2021-03-21 08:00社会

简介【A&M Diary】去旅行嘅时候,唔知大家有无试过极限旅游呢?好似Sky Diving、笨猪跳、激流等等。如果你想寻求刺激或者挑战自己,其实香港都有唔少选择。加上近排A姐话行山行到闷,所以我哋就玩吓新嘢,参加咗MAD Adventure HK嘅飞索攀岩放题体验,全日任攀任...

【A&M Diary】去旅行嘅时候,唔知大家有无试过极限旅游呢?好似Sky Diving、笨猪跳、激流等等。如果你想寻求刺激或者挑战自己,其实香港都有唔少选择。加上近排A姐话行山行到闷,所以我哋就玩吓新嘢,参加咗MAD Adventure HK嘅飞索攀岩放题体验,全日任攀任飞,疯狂打卡,够晒过瘾,仲可以尽情大叫,舒缓工作压力。

提提你
1. 攀岩/飞索有一定危险,参加者必须量力而为,以安全为原则
2. 大家记住保持环境清洁,自己垃圾自己带走,绝对唔可以破坏大自然环境

石澳大头洲
香港其实有唔少玩攀岩同飞索嘅热点,而唔同嘅地点就有唔同嘅难度,今次我哋就嚟到属于初级程度嘅石澳大头洲。

安全示範
玩任何活动,特别係极限活动,最重要就梗係安全至上啦!所以开始活动之前,就由Mike Sir示範各项安全设备同注意事项。作为第一次玩攀岩同飞索嘅我哋,真係好紧张呀,好彩Mike Sir非常有耐性,讲解有趣,令我哋放鬆唔少,更加享受今日嘅旅程体验。

空中飞索
嚟到悬崖边,导师会再次为我哋检查安全带同装备,以确保活动安全进行。另外,因为我哋係第一次玩,所以导师建议第一飞,用踏出一步嘅方式,慢慢飞去对岸。当有咗第一次嘅经验之后,就可以加速,用跑同跳嘅方法,快速飞去对岸。呢度嘅飞索长度大概50米,唔算太长,适合初级体验者,而飞索嘅过程唔算太刺激,不过第一次飞嘅时候,行到悬崖边,都咪话唔惊!最后鼓起勇气,就飞出去啦!见到嘅风景真係好难忘,海浪气势磅礡,悬崖笔直陡峭,所以飞完再飞。

<

Tags:好玩,极限,活动,放题,任玩飞,攀岩,Diary,旅行,时候