【香港Staycation】星级品牌月租酒店　旺角智选假日酒店

【A&M Diary】月租酒店对于追求二人世界、私人空间，或者屋企要装修，定係同M佬闹交要冷静吓，都係一个唔错嘅选择。香港虽然有唔少酒店提供月租住宿服务，但如果想享受国际品牌质素，今次我哋就嚟到属于洲际酒店集团(ihg)位于旺角嘅智选假日酒店，无论月租定玩吓两日一夜Staycation都可以储酒店会籍分数，係一个性价比高嘅住宿选择！加上酒店位处市中心，真係去边都够晒方便。

酒店大堂
香港旺角智选假日酒店距离油麻地港铁站约5分钟步程，而喺弥敦道亦有多条巴士路线选择。酒店位于内街，静中带旺，无论去庙街定旺角朗豪坊都係10-15分钟步程内。另外，酒店附近就有二十四小时超级市场、便利店同餐厅食肆，生活配套非常方便。

lobby嘅楼底高两层，入到嚟觉得好舒服，空间感十足，而酒店楼高18层，提供147间客房，主要分为大床房同双床房，听酒店职员讲，双床房亦可以合併为一张大床，弹性十足。

大堂亦设有贩卖机同电脑添。

客房区域
Check-in完之后，需要利用匙卡搭电梯前往入住楼层，保安度高。当我哋一出电梯，走廊阔落，加上走廊有唔少窗，透光到十足，非常光猛。

我哋今次入住房间景观为樱桃街公园一带，仲可以眺望ICC添。喺窗嘅前面就有一张超长嘅梳化，除咗可以坐喺度睇吓电视同睇风景之外，亦可以摆吓手袋背囊，够晒方便。至于，电视除咗提供本地免费频道之外，都有提供卫星频道选择，两个人坐喺度睇吓电视，呢啲咪就係简单嘅幸福感啰。另外，房间亦有提供免费wifi，速度又快又定，咁月租嘅朋友连上网钱都可以悭番啦！

住酒店最重要当然係张床啦，呢度嘅床係Queen Size，床单软绵舒服，而枕头总共有4个，2个软2个硬。床嘅两边都有床头柜同阅读灯，方便放吓眼镜、电话或者睡前阅读都得。另外，两边亦分别有插头位置同iHome蓝芽喇叭，可以透过喇叭作为USB充电位。因为酒店位处内街，加上房间隔音唔错，遮光度一流，喺度瞓觉可以瞓到自然醒啊！

房间内亦有一张阔落嘅工作枱，加上有唔少插头位同USB插头位，无论食嘢、放嘢定係做嘢都够晒方便。

另外，房间嘅日常用品齐全，包括：热水煲、蒸馏水、茶包、三合一咖啡包、风筒、拖鞋、衣柜、保险箱同雪柜，如果有大件行李嘅，呢度都有行李架?！

浴室区域
浴室乾湿分离，淋浴位置非常宽躺，水压一流。酒店亦有提供牙刷、浴帽、拖鞋、剃鬚刀、沐浴露同洗头水等个人用品。其中洗手液、沐浴露、洗头水同护髮素更加係英国品牌Ben Sherman，M佬就表示非常满意。

<

Tags：香港,Staycation,星级,品牌,月租,酒店,旺角,智

转载：文章来自用户投稿不代表本站观点，如有侵权请联系我们。