〈好食〉旺角八幡屋涮涮锅　三小时和牛刺身火锅海鲜之盛宴

【A&M Diary】相信好多字母粉都知道我哋最锺意打边炉，就算一个星期打三四次，都唔会厌！今日嚟到位于旺角琼华中心嘅八幡屋涮涮锅，试下佢嗰三小时和牛刺身火锅海鲜之盛宴，就咁听个名都觉得好多嘢食！

依家经WhatsApp订位，仲有买一送一优惠，真係好抵！

刺身拼盘
坐低无耐，就送上精选刺身拼盘，有吞拿鱼、三文鱼、希灵鱼、珍宝带子、赤海虾、剑鱼腩、甜虾同鲍片。全部都非常新鲜，珍宝带子鲜甜，赤海虾新鲜胶口。食完唔够，仲可以追加添，有成12款咁多添。

澳洲M5和牛
今日嘅重点澳洲M5和牛嚟啦！雪花分布平均，牛味香浓，肉质滑溜，真係好正！

牛肩胛
除咗澳洲M5和牛，仲有牛肩胛、美国进口牛肉、黑豚肉同豚腩片。我哋觉得牛肩胛都非常高质，牛味同样香浓！

海鲜拼盘
除咗M5和牛，店员仲送上海鲜拼盘，共有六款海鲜。两位送上一人一只鲍鱼，煮四分钟啱啱好，鲜甜弹牙，好厚肉！扇贝都係超级新鲜，肉质鲜甜。食完唔够喉，仲有海虾、广岛蚝、帆立贝、墨鱼滑、象拔蚌、海蚬、蛏子、日本鱿鱼同东风螺，九款海鲜畀你仼点仼食，真係好易回本！

天妇罗 + 炸物
大家可以用QR Code叫天妇罗同炸物，同样仼点仼食，即点即炸，新鲜热辣。

自助吧
自助吧仲有大量火锅配料，有蔬菜、麵类、鸡肉、各式丸类等。除咗火锅配料，仲有各款寿司，真係花多眼乱，都唔知食咩好！

<

Tags：好食,旺角,八幡,屋涮,涮锅,三小时,牛刺,火锅,海鲜,盛宴

转载：文章来自用户投稿不代表本站观点，如有侵权请联系我们。