〈好食〉荃湾如心海景酒店　天空酒廊叹铁板餐

【A&M Diary】铁板餐绝对係富有本地特式嘅经典食品，作为香港本土酒店品牌之一嘅荃湾如心海景酒店，就将铁板餐带入酒店餐厅，将铁板餐提升至更高层次，而价钱仲好合理，所以我哋就嚟到酒店内嘅天空酒廊试吓呢个午市铁板套餐啦！天空酒廊位于41楼，除咗可以俯瞰荃湾、青衣同远至汀九桥嘅景色之外，饭前饭后不妨行埋旁边连接高座同低座嘅玻璃底天桥，打卡一流?！

午市铁板套餐有前菜、主菜、甜品同饮品；一开始仲有热辣辣麵包同牛油。

田园沙律配粟米红菜头及柚子洋葱豉油汁
A姐嘅前菜就选择咗沙律，份量啱啱好，沙律菜非常新鲜，但最爱就係个柚子洋葱豉油汁，味道好有层次，够晒开胃。

法式洋葱汤配芝士多士
我就拣咗法式洋葱汤配芝士多士，芝士多士脆卜卜，而芝士仲可以拉出丝，芝士味香浓，好有诚意。至于洋葱汤好足料，洋葱味好香，食到洋葱嘅鲜甜味。

澳洲西冷配烧汁
主菜方面，我就拣咗三成熟嘅西冷，选择三成熟係因为铁板会令牛肉变熟，所以到食嘅时候就会变成啱啱好嘅五成熟喇！西冷有成220g，份量十足，牛味香浓，肉质软腍，非常Juicy。

<

Tags：好食,荃湾,如心,海景,酒店,天空,酒廊,铁板,Diary,

转载：文章来自用户投稿不代表本站观点，如有侵权请联系我们。