〈好游〉香港小欧洲 湾仔日月星街

香港其实有唔少特色街道，其中位于湾仔同金钟交界嘅星街小区就由附近嘅日街、月街、星街同永丰街组成，被喻为「湾仔后花园」。喺星街小区入面有唔少型格艺文店、家居精品店、花店、咖啡室、主题餐厅同酒吧等。由于邻近中环同金钟商业区，所以吸引唔少外国人喺呢度居住或放工嚟Happy Hour，加上建筑风格，真係好似去咗欧洲小镇咁，啱晒大家週末嚟到慢活同打卡啦！

日街、月街及星街
日月星街呢啲街名听落好似好简单，但细味之下其实又有种恬静而浪漫嘅气氛。原来喺十八世纪末，首座发电厂建于湾仔，当时就以《三字经》中「三光者，日月星」命名，意思係发电厂会为街头带嚟光明。时至今日，日街、月街、星街成为一个独特嘅小社区。

前往方法
由金钟港铁站太古广场3座F出口步行5分钟就到。

星街垃圾收集站
垃圾站都係打卡点？呢度嘅垃圾站配合星街小区嘅艺术主题，外墙参考荷兰画家Piet Mondrian嘅画风设计，蓝白黑配色，简约得嚟又不失艺术感，记住影番张相呀！

壁画
星街小区内有唔少店铺相关嘅壁画，大家不妨细味打卡。

彩虹楼梯
彩色楼梯绝对係历久不衰嘅打卡热点，位于星街小区内嘅彩虹楼梯，人流唔多，影相一流。

东美花园
东美花园係另一个前住星街小区嘅出入口，公园内最大嘅卖点打卡位就係石墙树。

另外，喺星街小区内当然唔少得艺文店、咖啡室、主题餐厅同酒吧啦。喺呢度嘅商店慢慢行，话唔定有意外收穫！

另外，喺星街小区内当然唔少得艺文店、咖啡室、主题餐厅同酒吧啦。喺呢度嘅商店慢慢行，话唔定有意外收穫！

Honbo
简约蓝白装潢嘅汉堡包店係Bloomberg 2020年全球最佳汉堡当中唯一入榜嘅香港汉堡店。

BASAO tea
在简约又治癒嘅店内，慢慢细味茶嘅味道，係一个放鬆自己嘅选择。

APT Coffee
文青风味浓嘅coffee shop，咖啡师会根据你所喜好嘅咖啡豆、浓淡度、温度同奶泡等，调配出一杯最适合你嘅咖啡。

<

Tags：好游,香港,欧洲,湾仔,日月,星街,香港,实有,唔少,特色,

转载：文章来自用户投稿不代表本站观点，如有侵权请联系我们。