〈好游〉全新湾仔北海滨长廊西段 期间限定粉红通道

【A&M Diary】要数香港最靓嘅地方，又点少得维多利亚港呢？想欣赏维港靓景，除咗上山顶同去尖东海旁之外，喺湾仔嘅全新海滨长廊终于开放喇！呢条海滨长廊由会展新翼连接至湾仔码头同湾仔北临时交通交汇处，依家仲有打卡一流嘅Chocolate Rain卡通主题布置同期间限定嘅「粉红通道」，仲好适合大家一边做运动，一边欣赏维港嘅景致！

湾仔海滨长廊
全长约 1 公里，除咗适合大家散步同做运动之外，湾仔海滨长廊嘅另一用途係水上运动及康乐主题区，沿海部分栏桿可以喺活动期间拆卸，方便船只同活动人仕上落。

维港海滨长廊
全程接近6公里，分为11段
1.中西区海滨长廊（西环副食品市场段）
2.丰物道海滨用地（又名捐山窿公园）
3.中山纪念公园
4.中山纪念公园前海滨长廊
5.中环码头海滨
6.香港摩天轮
7.中西区海滨长廊（中环段）
8.添马公园
9.湾仔临时海滨花园
10.庆典主题区（金紫荆广场）
11.湾仔北水上运动主题区海滨长廊西段

所以大家可以绕经金紫荆广场，连接维港海滨长廊其他路段至中西区海滨长廊，欣赏维港两岸嘅景色，夜晚仲可以睇到夜景同期间限定嘅烟花同幻彩咏香江。

Chocolate Rain卡通主题
由本地插画师麦雅端设计咗一系列嘅Chocolate Rain巨型画作，喺地上面嘅画作全部都有互动成份，啱晒小朋友喺度放电啦！另外，夜晚嚟到除咗有维港夜景之外，仲有投影灯光效果添！另外，旁边嘅多功能活动场地仍未开放，所以喺围板外亦有唔少充满香港特色嘅Chocolate Rain壁画同立体公仔，而整个长廊仲有更多装饰设施继续发展，希望下次嚟又会有新鲜感啦！

粉红通道
呢条啱晒少女心打卡嘅粉红隧道係期间限定?，为期半年，想去打卡嘅就要把握时间喇！

<

Tags：好游,全新,湾仔,海滨,长廊,西段,期间,限定,粉红,通道,

转载：文章来自用户投稿不代表本站观点，如有侵权请联系我们。