您现在的位置是:社会

〈好食〉荃湾如心海景酒店 天空酒廊情人节下午茶

2021-01-31 08:00社会

简介【A&M Diary】A姐带我嚟到荃湾如心海景酒店玩至High Staycation,咁我都识做嘅,就带佢去叹个High tea,等佢打吓卡放吓闪啦!荃湾如心海景酒店41楼嘅天空酒廊喺二月份推出情人节下午茶套餐Blooming Love in the Air,可以一边俯瞰青衣同远至汀九桥嘅景色,一...

【A&M Diary】A姐带我嚟到荃湾如心海景酒店玩至High Staycation,咁我都识做嘅,就带佢去叹个High tea,等佢打吓卡放吓闪啦!荃湾如心海景酒店41楼嘅天空酒廊喺二月份推出情人节下午茶套餐Blooming Love in the Air,可以一边俯瞰青衣同远至汀九桥嘅景色,一边品嚐三层嘅美点。喺呢两座充满传奇爱情故事嘅大厦入面度过情人节,就更加有意义啦!

呢个期间限定嘅情人节下午茶套餐分为三层,分别为鹹点、甜点同自家製鬆饼,仲包两杯咖啡或茶。

顶层:鹹点
顶层嘅鹹点通常都係男士至爱,分别有红菜头腌三文鱼及三文鱼子配牛油蛋包、蟹棒卷配牛油果酱及青瓜、鹅肝批及波特酒配甘笋脆、迷你牛肉汉堡配烧烤汁。我同A姐都特别锺意红菜头腌三文鱼及三文鱼子配牛油蛋包,一件放晒落口,就可以感受到三文鱼嘅肥美、三文鱼子嘅鲜甜、加上牛油蛋包嘅香脆,口感一流,好幸福呀!另外,鹅肝批及波特酒配甘笋脆都相当有惊喜,鹅肝够香浓又细滑,一啲都唔腻。至于迷你牛肉汉堡配烧烤汁,虽然细细件,但牛肉汉堡唔会煎得过老,都有唔少肉汁。

中层:甜点
至于中层就係大部份女仔锺意嘅甜品,分别有开心果泡芙配椰子酱、柠檬挞配金桔、白朱古力慕斯热情果酱、心型士多啤梨慕斯。同顶层嘅鹹点相比,呢层就花咗唔少大厨嘅功夫,先唔讲味道,净係卖相都好靓喇!呢个白朱古力慕斯热情果酱做到成个手袋咁,A姐表示好锺意喇,而我就觉得一向俾人感觉好甜嘅白朱古力配上酸嘅热情果酱,成件事又出奇地夹喎!另外,柠檬挞配金桔放上成只金桔,卖相一流!整体嚟讲,欣赏大厨嘅细心配搭,将甜同酸嘅食物组合一齐,唔会太甜太溜。

<

Tags:好食,荃湾,如心,海景,酒店,天空,酒廊,情人节,下午,Di