〈好食〉荃湾川龙端记茶楼 大帽山点心茶寮

【A&M Diary】大帽山係全香港最高嘅山，所以深得行山友喜爱！除此之外，喺山腰都有一间好出名嘅茶寮。无论你係唔係行山友，都可以喺荃湾港铁站坐巴士或小巴上嚟川龙嘅端记茶楼叹个早茶。如果你係自驾游嘅朋友，旁边仲有少量嘅免费车位畀你泊车添！

端记茶楼採取自助形式，无论餐具、碗筷、点心、热茶、滚水等，都係自己服务自己。点心嘅种类话多唔多，话少唔少，但当有新鲜出炉嘅点心，店员就会透过广播，通知茶客。

灼新界西洋菜
西洋菜每日限量供应，据讲呢啲係本地新界菜，所以够晒新鲜，但只限冬天期间供应，而且每日供应唔多。如果见到有嘅，绝对係端记茶楼必食嘅推介！因为西洋菜够晒鲜甜，真係唔使点落调味，品嚐香港原味道。

呢度仲有多款传统点心，好似鹌鹑蛋烧卖、腊肠卷， A姐话呢啲点心佢以前完全冇食过，绝对係怀旧嘅滋味。

另外，酒楼常见嘅烧卖、牛柏叶、金钱肚、叉烧包、蒸饭等都有，但如果你係追求点心嘅精緻，呢度绝对提供唔到畀你，因为呢度主要係食环境同人情味，望住大帽山嘅山峦，绝对係端记茶楼嘅全港独有！

<

Tags：好食,荃湾,龙端记,茶楼,大帽山,点心,茶寮,Diary,大

转载：文章来自用户投稿不代表本站观点，如有侵权请联系我们。