〈好食〉够抵食款式多 十六座车仔麵

【A&M Diary】就嚟过年，虽然今年无得行年宵，但其实喺太子仲有花墟，今日就同A姐嚟办年货，买定水仙，为屋企增添过年气氛！买完花之后，喺太子都有唔少餐厅选择，我哋就嚟到十六座车仔麵，呢度以公屋为装修格局，细心啲睇，连电掣都係行怀旧路线，而且车仔麵係亲民价钱，够抵食款式又多！

怀旧四品麵餐
讲起最抵食嘅选择，当然就係怀旧四品麵餐，配料有鸡翼、鱼蛋、猪红同通菜（本身係唐生菜，但今日货未返，所以改为通菜）。鸡翼滷得好入味，大大只；鱼蛋係陈皮鱼蛋，好有口感！至于麵底就拣咗米粉，加上辣汁，好惹味。

四餸车仔麵
A姐碗车仔麵就拣咗呢度嘅名物，包括限量金沙青、五香蝴蝶腩、咖喱麵筋同猪皮。金沙青比较肥，所以佢就唔係太锺意喇，不过，我又觉得唔错，肉质嫩滑，肉味香浓；蝴蝶腩好有口感，腩肉鲜嫩；而咖喱麵筋同猪皮都索晒辣汁，味道浓郁。

<

Tags：好食,够抵,款式,十六,座车,仔麵,Diary,过年,虽然,

转载：文章来自用户投稿不代表本站观点，如有侵权请联系我们。