【十三短打】曼城曼联……差个字啫

十三唔係，但身边就有唔少曼联趸朋友，短短一日间完全感受到佢哋由忧变喜嘅情绪起伏。C朗回归喎，係咪恍如隔世？
撰文：球十三 「跪求唔好呀～」「唔信偶像会咁做……」「拉去打靶啦！」都话英超场内场外都好睇过戏，大半日前人人仲讲紧基斯坦奴朗拿度（Cristiano Ronaldo）会加盟曼城，而以上呢啲都係唔够一日前，听到曼联趸嘅心声。坦白，我哋体育传媒人都写定啲嘅稿，对应番之前（最后用唔着，冇计）。

一个屈尾十，C朗係就係返曼彻斯特，不过係去咗隔篱，返母会曼联……差个字啫，不过就差之毫釐谬以千里。我嘅曼联趸老友开心死，球龄长嘅多谢有份做说客嘅费Sir；有自我陶醉嘅，话根本係C朗夹埋超级经理人文迪斯玩嘢，故弄玄虚畀球迷惊喜；亦有沉实嘅就话突然嚟个老将，咁之前苏斯克查倾向重视嘅青春路线，咪走番回头？不过佢都同意，多咗C朗加埋之前嘅山曹同华拉尼，同曼城此消彼长，俾人压住咁多年，今季有得揪。

总之C朗回归英超，对呢个从来受欢迎嘅联赛当然係好大冲击，名同利随来，香港球迷好自然亦更留意英超。唔係踩低欧洲冠军意大利嘅联赛，但同我哋始终好似有啲距离，以后英超有C朗，更加唔愁冇话题。C朗，係应该属于英超嘅。

2021年真係体育年，多大赛又多惊世转会。「美C」之后，转会窗下一个焦点係边个，或者，都数到安巴比啦啩？

撰文：球十三
足球迷叫第十二人，冇偏爱，冷眼旁观係十三。
email：ballthirteen@hotmail.com
欢迎浏览球十三fb专页，若得到波友一个like，就是我们团队的一大鼓舞：
www.facebook.com/ballthirteen

图片来源 : ?AFP

Tags：十三,短打,曼城,曼联,差个字,十三,唔係,身边,就有,唔少

转载：文章来自用户投稿不代表本站观点，如有侵权请联系我们。