【香港首金】师姐欧倩莹：本地剑击发展会更蓬勃

张家朗为香港摘下奥运金牌，是香港之光，也是本地剑击界之光，身为师姐的前港队奥运代表欧倩莹为此深感自豪，坦言心情久久未平复，并相信家朗及一众运动员都会令本地剑击发展更为蓬勃。 「我谂唔单止我自己、剑击界，全香港都为佢感到开心，始终係1996年后，隔咗25年香港再次夺金，仲要係剑击呢个项目，非常令人骄傲。」曾代表港队出战2012年奥运、并于亚运共夺1银2铜的剑击名将欧倩莹，恭喜师弟夺金。

「因为剑击同滑浪风帆一样，都係欧洲比较盛行同称霸嘅项目，香港能够跻身其中係非常难得，亦非常困难。」她续说：「头先睇直播当然係非常紧张，我谂紧张心情并冇畀到家朗，因为佢一开始落后，但好快一分一分咁反超前，甚至将比数拉开，打得平稳、冷静，将佢长处完全发挥出嚟，之后愈打愈顺。过程中，我喺街上睇直播，见到好多人关注呢件事，相信佢哋本身唔识剑击，但因为家朗係香港人，係香港骄傲，喺巴士度打开手机睇直播。甚至有啲人，包括我自己都激动到喺街上大嗌。同一时刻，听到好多人尖叫，相信都係因为家朗历史性为剑击夺得金牌。」

「你听到我把声仲颤抖紧，因为实在太兴奋，心情仲未平伏。佢打最后一分嘅时候，我未等裁判就知家朗得分，我自己个脑一片空白，好似发梦咁。同一时间，message係咁飞嚟，我覆message嘅时候都发现好多错字，因为我手兴奋到震。啲message当然係恭喜家朗有咁好表现，同时间都恭喜剑击呢个项目，过去十年为香港体坛贡献好多，多谢我哋剑击界付出。」

当年李丽珊赢金牌，令本港牵起滑浪风帆热，欧倩莹相信今次情况亦一样：「我相信嚟紧剑击发展会更加蓬勃，可能由张家朗牵起好兆头，再加上有Vivian（江旻憓），我谂嚟紧男花团体如果攞奖，亦相信佢哋会有好好表现，会有更加多人愿意参与剑击，畀佢哋去小朋友参加，我今日喺街上已经听到好多人谈论剑击，所以真係好proud of家朗，同埋proud of香港剑击界搞手、体院幕后团队，因为佢哋为剑击付出好多。」

图片来源 : ?AFP

Tags：香港,首金,师姐,欧倩,本地,剑击发,展会,蓬勃,张家,香港

转载：文章来自用户投稿不代表本站观点，如有侵权请联系我们。