【铲草男女】C朗唔需要你原谅

祖云达斯喺欧联16强对波图次回合，一晚经历晒赢波、和波（总比数4:4）但输作客入球而出局。赛前，祖记球迷曾讨论如果出局，派路可否继续留低，结果有一球助攻嘅基斯坦奴朗拿度反而成为指摘对象，先有派路赛后直指C朗犯错，然后再有意大利名帅卡比路话「C朗不可原谅。」当然，C朗就唔需要佢哋原谅，难道派路冇见过C朗喺2014年欧联4强对拜仁慕尼黑，亦係因为拜仁喺人墙无排个人瞓低，而令C朗从球员脚下直射入网？
撰文：步大力熊 睇返当晚嗰个入球，排人墙有3人，左至右有摩拉达 ，基斯坦奴朗拿度（Cristiano Ronaldo）同埋哈比奥，离哈比奥几个身位有麦坚尼。波图球员沙治奥奥利华拉嘅罚球半跳起嘅C朗脚下再经过哈比奥射入令祖记输波嘅作客入球。输波后冇传媒、冇名帅出嚟怪派路排阵排人墙有冇问题；亦冇人怪哈比奥，摩拉达面对球员见到都仲跳（其实亦冇咩好怪责）。好似祖记出局就得C朗要负全责，但C朗到底做咗咩不可以原谅嘅事？

留意係由脚下射入，而唔係由球员身中间，或者C朗同大家一齐跳就冇人可以怪佢，除非派路排人墙谂住叫摩拉达同哈比奥跳而中间嘅C朗企好，否则C朗一齐跳结果亦只会一样，畀个波由球员脚底穿过而入。但C朗佢想跳又无跳嘅举动，就触动到各大传媒同祖记球迷嘅神经，被大造文章。

当然C朗亦唔係完全冇错，但最错可能係离开皇家马德里去祖记。祖记210分钟竟然冇一个人可以为佢製造到一个入球机会，反而因为一个明显冇準备好嘅人墙畀球迷、祖记高层、传媒抱怨，受尽伤害。

C朗你去祖记到底为咗乜？

撰文：步大力熊
要做一个理性球迷？不了，成为球迷本身就是一件不理性而且疯狂的事。

email：ballthirteen@hotmail.com
欢迎浏览球十三fb专页若得到波友一个like就是我们团队的一大鼓舞：
www.facebook.com/ballthirteen

图片来源 : ?AFP

Tags：铲草,男女,朗唔,需要,原谅,祖云,达斯,喺欧,波图次,回合

转载：文章来自用户投稿不代表本站观点，如有侵权请联系我们。