【铲草男女】美足球迷移民潮

香港时间星期一上演第55届NFL美式足球超级碗Super Bowl，坦帕湾海盗以31:9大胜上季冠军堪萨斯酋长，最瞩目应该係43岁嘅四分卫汤巴迪第10次打入超级碗决赛而第7次胜出，第5次成为Super Bowl MVP。因为最强嘅NFL球队只係胜出过6次超级碗，分别係匹兹堡钢铁者及新英伦爱国者，所以巴迪 喺NFL史上绝对前无古人，应该都算係美式足球球王。网路上亦探讨球迷跟巴迪转会问题，球迷转会係咪代表佢係假球迷？
撰文：步大力熊 笔者曾于New England 一带读中学，当地电视台会优先播当地NFL球队比赛，以前网络唔发达未必可以睇到其他队嘅比赛，所以新英伦爱国者（New England Patriots） 变成笔者爱队 。当时2002年汤马迪（Tom Brady）以新人姿态为爱国者4季夺3冠，然后2015年至佢离开前隔年就夺一冠。上年，巴曲宣布离开而唔係喺效力长达19年嘅爱国者退休，老实讲，係令好多球迷失望。

好多美国人都会觉得，佢搬去佛罗里达州都係谂住退休，因为坦帕湾海盗係一队平凡嘅球队，巴迪当时虽然已经42岁，但应该有更好选择，所以一般认为佢选择去佛罗里达州，应该都係想轻鬆终结球员生涯。依家睇返转头，明显巴迪唔係谂住去退休，特别当知道佢邀请退休旧拍档哥禾斯基去踢波。连旧日爱国者拍档都跟巴迪转会，球迷想转其实不难理解。

球迷睇住巴迪再入决赛，心情係非常複杂，但心里说不，身体却很诚实。第55届超级盃当晚，新英伦一带嘅收视率比坦帕湾一带更高，而且当晚收视率比爱国者大部份历届超级碗收视率更高。可见球迷对今次关注度非常热切！令波士顿电台主持人Fred Toucher 质疑，係唔係巴迪年代睇波嘅球迷，都跟佢一齐转咗会。

到底球迷跟球员转会係咪一个问题？2018年基斯坦奴朗拿度由皇家马德里转会祖云达斯，一样引起球迷嘅讨论，而今次美式足球球王转会，球迷又咩反应？

网路上可以见到有爱国者球迷一早买好海盗嘅波衫，亦有一班唔睇好嘅球迷话会支持另一队，希望巴迪唔可以胜出。笔者应该係第3种球迷，有Brady嘅Patriots由细睇到大，感情深厚，有几届超级碗决赛都好难忘。虽然无转会，但都希望Brady去到另一支球队仍然可以成功。因为好球员真係踢一场少一场。

好多人喺比赛前问，呢场会唔会係Brady 最后一场NFL，但睇完第55届超级碗，笔者真心欣赏海盗嘅团队，进攻有Brady同 Gronkowski就唔使讲，但特别係防守方面真係好出色，进攻时非常保护到四分卫，防御时强势，更令对手常常犯错。Brady 已经放声话会再踢一季，到时可能会有新一轮嘅球迷移民潮。

撰文：步大力熊
要做一个理性球迷？不了，成为球迷本身就是一件不理性而且疯狂的事。

email：ballthirteen@hotmail.com
欢迎浏览球十三fb专页若得到波友一个like就是我们团队的一大鼓舞：
www.facebook.com/ballthirteen

图片来源 : ?AFP

Tags：铲草,男女,足球迷,移民,香港,时间,星期一,上演,55届,

转载：文章来自用户投稿不代表本站观点，如有侵权请联系我们。